የቂያማህ(ትንሣኤ) ቀን መቃረብ ምልክቶች

0
3153

ቂያማ ምንም እንኳ የመከሠቻ ቀን እውቀቷ ከሰዎች ድብቅ ቢሆንም ስለመቃረቧ የሚያመላክቱ ምልክቶችን ግን አላህ ሱ.ወ. አድርጓል፡፡ አላህ ሱ.ወ. እንዲህ አለ

فَهَلْ يَنظُرُونَ إِلَّا السَّاعَةَ أَن تَأْتِيَهُم بَغْتَةً ۖ فَقَدْ جَاءَ أَشْرَاطُهَا ۚ فَأَنَّىٰ لَهُمْ إِذَا جَاءَتْهُمْ ذِكْرَاهُمْ

ሰዓቲቱንም ድንገት የምትመጣባቸው መኾንዋን እንጅ ይጠባበቃሉን? ምልክቶችዋም በእርግጥ መጥተወል፡፡ በመጣቻቸውም ጊዜ ማስታወሳቸው ለእነርሱ እንዴት ይጠቅማቸዋል? (ሙሀመድ 47፤18)

እነኚህም ምልክቶች ትናንሽና ትላልቅ በመባል ሊከፈሉ ይችላሉ፡፡

ትናንሽ ምልክቶች

በትናንሽ ምልክቶች ከሚካተቱት ውስጥ የሚከተሉት ሊጠቀሱ ይችላሉ

  • ነቢይነትና መልእክተኝነት የተቋጨባቸው የመጨረሻው የአላህ መልእክተኛ ሙሀመድ ሰ.ዐ.ወ. መላክ አንዱ ነው፡፡ ከአነስ ኢብኑ ማሊክ ረ.ዐ እንደተዘገበው የአላህ መልእክተኛ ሰ.ዐ.ወ

« بعثة أنا والساعة كهاتين ( وأشار بالسبابة والوسطى ) »

‹የኔ መላክና ቂያማ እንዲህ ነን፡፡› በማለት ተናግረዋል፡፡› (አመልካችና የመሃል ጣታቸውን ባንድ ላይ በማጣመር እያሣዩ)

ነቢዩ ሰ.ዐ.ወ. እንዲህ ማመላከታቸው የተፈለገበት በርሣቸውና በቂያማ መከሠት መካከል ያለው ጊዜ በጣም ትንሽ እንደሆነ በመካከላቸውም አንድም የሚላክ ነቢይ እንደማይኖር ለማሣየት ነው፡፡ ይህም እጅግ የቀረበች መሆኑን ያመለክታል፡፡ የምትከሠትበት ትክክለኛ ወቅት/ቀን/ ይህ ነው ብሎ በማወቁ ላይ ግዴታ አይልም፡፡ ምልክቶቹን ማወቃችን ለመጭው ዓለም በቅጡ እንዘጋጅና እንጠነቀቅ ዘንድ ያለው ፋይዳ ከፍተኛ ነው፡፡ የመከሠቻዋ ቀን እውቀት ያለው በአላህ ሱ.ወ. እጅ ብቻ ስለመሆኑ በቁርኣንና በሀዲስ በተደጋጋሚ ተጠቅሷል፡፡

  • ነገስታት፣ ገዥዎችና የሀገር መሪዎች በአስተዳደግ፣ በመልካም ሥነምግባርና በተሟላ ስብእና ከሚታወቁ ሴቶች ሣይሆን ከሴት ባሪያ የሚወለዱ መሆናቸው ሌላው የቂያማ ምልክት ሲሆን
  • የገጠር/ባላገር/ ሰዎች የነበሩ ፍየል ጠባቂዎች፤ የሀብትና የቅምጥል ህይወት እንዲሁም የትላልቅ ፎቆች ባለቤቶችና የሰዎች ገዠዎች መሆናቸውም ከምልክቶቿ ነው፡፡ የሚከተለው ሀዲስ ይህንኑ ያሣየናል፡፡

ከአቢ ሁረይራ ረ.ዐ. እንደተዘገበው አንድ ቀን ነቢዩ ሰ.ዐ.ወ. እውጭ ተቀምጠው ባሉበት ሁኔታ ጅብሪል ዐ.ሠ መጣና

يا رسول الله، متى الساعة ؟ فقال: « ما المسئول عنها بـأعلم من المسائل، ولكن سـأحدثك عن أشراطها: إذا ولدت الأمة ربتها، فذاك من أشراطها، وإذا كانت الحفاة العراة رعاة الشاء رءوس الناس، فذاك من أشراطها، وإذا تطاول رعاة الغنم فى البنيان، فذاك من أشراطها »

‹የአላህ መልእክተኛ ሆይ! ሰዓቷ መቼ ናት?› አላቸው፡፡ እርሣቸውም  ‹ተጠያቂው ከጠያቂው የበለጠ ስለርሷ አዋቂ አይደለም/ሁለታችንም አናውቅም/፡፡ ካሉት በኋላ ‹ባይሆን ስለ ምልክቶቿ ልንገርህ› አሉት፡፡ ‹ሴት ባሪያ ጌታዋን የወለደች እንደሆነ ያ ከምልክቷ ነው፡፡ ባዶ እግራቸውንና እርቃናቸውን ይሄዱ የነበሩ ፍየል ጠባቂዎች የሰዎች ቁንጮ የሆኑ እንደሆነ ያም ከምልክቶቿ ነው፡፡  ፍየልና በግ ጠባቂዎች የነበሩ በትላልቅ ግንባታዎች የሚሽቀዳደሙ እንደሆነ ያም ከምልክቶቿ ነው፡፡› አሉት፡፡

በታዋቂው የጅብሪል ዐ.ሠ ሀዲስም ጅብሪል የአላህን መልእክተኛ ስለ ቂያማ በጠየቃቸው ጊዜ

« ما المسئول عنها بـ أعلم من المسائل »، قال: فأخبرنى عن أماراتها، قال: « أن تلد الأمة ربتها، وأن ترى الحفاة العراة العالة رعاء الشاء يتطاولون فى البنيان »

‹ጠያቂው ከተጠያቂው በላይ ሊያውቅ አይችልም› ካሉት በኋላ ‹ባሪያ ጌታዋን መውለዷ፣ ባዶ እግራቸውንና እርቃናቸውን ይሄዱ የነበሩ ፍየል ጠባቂዎችን በግንባታዎች ሲወዳደደሩ ማየትህ ነው› ብለውታል፡፡

በኢማም አልቡኻሪይ ሀዲስም በጥቅሉ ከነኚህ ምልክቶች አሥራ አንድ ያህል መቁጠር ይቻላል፡፡ ከአቢ ሁረይራ እንደተዘገበው ነቢዩ ሰ.ዐ.ወ. እንዲህ አሉ

« لاَ تَقُومُ السَّاعَةُ حَتَّى تَقْتَتِلَ فِئَتَانِ عَظِيمَتَانِ، يَكُونُ بَيْنَهُمَا مَقْتَلَةٌ عَظِيمَةٌ، دَعْوَتُهُمَا وَاحِدَةٌ، وَحَتَّى يُبْعَثَ دَجَّالُونَ كَذَّابُونَ، قَرِيبٌ مِنْ ثَلاَثِينَ، كُلُّهُمْ يَزْعُمُ أَنَّهُ رَسُولُ اللَّهِ وَحَتَّى يُقْبَضَ الْعِلْمُ وَتَكْثُرَ الزَّلاَزِلُ وَيَتَقَارَبَ الزَّمَانُ وَتَظْهَرَ الْفِتَنُ، وَيَكْثُرَ الْهَرْجُ وَهْوَ الْقَتْلُ، وَحَتَّى يَكْثُرَ فِيكُمُ الْمَالُ فَيَفِيضَ، حَتَّى يُهِمَّ رَبَّ الْمَالِ مَنْ يَقْبَلُ صَدَقَتَهُ، وَحَتَّى يَعْرِضَهُ فَيَقُولَ الَّذِى يَعْرِضُهُ عَلَيْهِ لاَ أَرَبَ لِى بِهِ. وَحَتَّى يَتَطَاوَلَ النَّاسُ فِى الْبُنْيَانِ، وَحَتَّى يَمُرَّ الرَّجُلُ بِقَبْرِ الرَّجُلِ فَيَقُولُ يَا لَيْتَنِى مَكَانَهُ، وَحَتَّى تَطْلُعَ الشَّمْسُ مِنْ مَغْرِبِهَا، فَإِذَا طَلَعَتْ وَرَآهَا النَّاسُ – يَعْنِى – آمَنُوا أَجْمَعُونَ، فَذَلِكَ حِينَ لاَ يَنْفَعُ نَفْساً إِيمَانُهَا لَمْ تَكُنْ آمَنَتْ مِنْ قَبْلُ، أَوْ كَسَبَتْ فِى إِيمَانِهَا خَيْراً، وَلَتَقُومَنَّ السَّاعَةُ وَقَدْ نَشَرَ الرَّجُلاَنِ ثَوْبَهُمَا بَيْنَهُمَا، فَلاَ يَتَبَايَعَانِهِ وَلاَ يَطْوِيَانِهِ، وَلَتَقُومَنَّ السَّاعَةُ وَقَدِ انْصَرَفَ الرَّجُلُ بِلَبَنِ لِقْحَتِهِ فَلاَ يَطْعَمُهُ، وَلَتَقُومَنَّ السَّاعَةُ وَهْوَ يُلِيطُ حَوْضَهُ فَلاَ يَسْقِى فِيهِ، وَلَتَقُومَنَّ السَّاعَةُ وَقَدْ رَفَعَ أُكْلَتَهُ إِلَى فِيهِ فَلاَ يَطْعَمُهَا »

‹በጥሪያቸው ተመሣሣይ የሆኑ ሁለት ትላልቅ አንጃዎች እስኪጋደሉ ድረስ ቂያማ አትቆምም፡፡ በመካከላቸውም ትልቅ ጦርነት ይከሠታል፡፡ ወደ ሠላሣ የሚጠጉና የአላህ መልእክተኞች ነን የሚሉ ደጃሎች እስኪነሱ፣ እውቀት እስኪነሣ፣ የመሬት መንቀጥቀጥ እስኪበዛ፣ ቀናት/ጊዜያት/ እስኪቀራረቡ፣ ፈተናዎች እስኪበዙ፣ መገዳደል እስኪንሠራፋ፣ በመካከላችሁ ገንዘብ በዝቶ እስኪትረፈረፍ፣ ለማን ይሆን ምፅዋቴን የምሠጠው ብሎ የሀብት ባለቤት እስኪጨነቅና ለሰው አድርሶም ያ የቀረበለት ሰው ‹አያስፈልገኝም› ብሎ እስኪመልስለት ድረስ ቂያማ አትቆምም፡፡ ሰዎች በሰማይ ጠቀስ ግንባታዎች እስኪወዳደሩ፣ አንድ ሰው የመቃብር ባለቤት በሆነ ሰው አካባቢ እስኪያልፍና ‹ምናለ በሱ ቦታ ሆኜ በሆነ ኖሮ› ብሎ እስኪመኝ፣ ፀሃይ በምእራብ እስክትወጣ ድረስም ቂያማ አትቆምም – በወጣችና  ሰዎች ባዩዋት ጊዜ ሁሉም ያምናሉ፡፡ ያኔ ቀድማ ያላመነችና በእምነቷም ውስጥ መልካም ተግባር ያላስቀደመች ነፍስ ማመኗ አይጠቅማትም፡፡ ሁለት ሰዎች ለመሻሻጥ በመካከላቸው ልብሣቸውን ዘርግተው ሣለና ሣይሻሻጡ አሊያም እቃቸውን ሣይጠቀልሉ ቂያማ ትቆማለች፡፡ አንድ ሰው የግመሉን ወተት አልቦ ሣይጠጣው ቂያማ ትቆማለች፡፡ የወተት ማጠራቀሚያ እቃውን በማስተካከል ላይ ሣለም ቂያማ ትቆማለች፡፡ ጉርሻው ወደ አፉ ያነሣ ሳይጎርስ ቂያማ ትቆማለች፡፡›

ትላልቅ  ምልክቶች

ትላልቅ የሚባሉ ምልክቶች በሚከተለው መልኩ ሊጠቃለሉ ይችላሉ

የፀሀይ በምእራብ በኩል መውጣት

ቂያማ ስትቃረብ በፍጥረተ ዓለሙ አደረጃጀት ላይ አዳዲስ ለውጦች ይከሠታሉ፡፡ በሰው ልጅ ዘንድ ያልተለመዱና አስደንጋጭ የሆኑ እንግዳ ነገሮች ይታያሉ፡፡ ከነኚህም መካከል ቀድሞ በምሥራቅ እንደምትወጣ የምናውቃት ፀሀይ አቅጣጫዋን ቀይራ በምእራብ በኩል መውጣቷ አንዱ ነው፡፡ ሌላው ደግሞ ሰውን የምታናግር አንዲት እንሠሣም ከመሬት ውስጥ መውጣቷ ነው፡፡

ከዐብዱላህ ኢብኑ ዐምር ኢብኑ አልዓስ እንደተዘገበው የአላህ ነቢይ ሰ.ዐ.ወ እንዲህ አሉ –

« إِنَّ أَوَّلَ الآيَاتِ خُرُوجاً طُلُوعُ الشَّمْسِ مِنْ مَغْرِبِهَا وَخُرُوجُ الدَّابَّةِ عَلَى النَّاسِ ضُحًى وَأَيُّهُمَا مَا كَانَتْ قَبْلَ صَاحِبَتِهَا فَالأُخْرَى عَلَى إِثْرِهَا قَرِيباً »

 ‹ ለመታየት የመጀመሪያዋ ምልክት የምትሆነው የፀሃይ በምእራብ በኩል መውጣት ነው፡፡ እንሠሳዋም በሰዎች ላይ በረፋዱ ጊዜ ትወጣለች፡፡ ከሁለት አንዱ ቀድሞ የተከሠተ እንደሆነ ሁለተኛዋም ተከትላት የምትከሠተው በቅርብ ነው፡፡›

ከአቢ ሁረይራ ረ.ዐ እንደተዘገበው የአላህ ነቢይ ሰ.ዐ.ወ. እንዲህ አሉ

« لاَ تَقُومُ السَّاعَةُ حَتَّى تَطْلُعَ الشَّمْسُ مِنْ مَغْرِبِهَا فَإِذَا طَلَعَتْ مِنْ مَغْرِبِهَا آمَنَ النَّاسُ كُلُّهُمْ أَجْمَعُونَ فَيَوْمَئِذٍ لاَ يَنْفَعُ نَفْساً إِيمَانُهَا لَمْ تَكُنْ آمَنَتْ مِنْ قَبْلُ أَوْ كَسَبَتْ فِى إِيمَانِهَا خَيْراً »

‹ ፀሃይ በምእራብ በኩል እስክትወጣ ድረስ ቂያማ አትቆምም፡፡ በምእራብ በኩል የወጣች እንደሆነ የሰው ልጆች ሁሉም ያምናሉ፡፡ ቢሆንም ግን ቀድሞ ያላመነችዋን አሊያም በኢማኗ መልካም ተግባር ያልፈፀመችዋን ነፍስ ማመኗ አይጠቅማትም፡፡›

አላህ ሱ.ወ እንዲህ አለ

وَإِذَا وَقَعَ الْقَوْلُ عَلَيْهِمْ أَخْرَجْنَا لَهُمْ دَابَّةً مِّنَ الْأَرْضِ تُكَلِّمُهُمْ أَنَّ النَّاسَ كَانُوا بِآيَاتِنَا لَا يُوقِنُونَ

በእነርሱም ላይ (የቅጣት) ቃሉ በተረጋገጠ ጊዜ ሰዎቹ በአንቀጾቻችን የማያረጋግጡ እንደነበሩ የምትነግራቸውን እንስሳ ለእነርሱ ከምድር እናወጣለን፡፡ (አን ነምል 27፤82)

ከዚህች የቁርኣን አንቀፅ የምንረዳው የአላህ ትእዛዘዝ በመጣ ጊዜ ሰውን የምታናግር እንሠሳ ለቂያማ ምልክቶች ማመላከቻ ሆና በቅድሚያ የምትመጣ መሆኑን ነው፡፡ ያኔ ላይ ማመን ለሰዎች ምንም አይጠቅማቸውም፡፡

ስለ እንሰሳዋ ምንነትና ዝርዝር ምልክቶቿ በትክክለኛ ሀዲሦች የደረሠን ነገር ባለመኖሩ እንሰሳ የምትወጣ መሆኑን ማወቁ ብቻ በቂ ነው፡፡ ከዚህ ባለፈ መልኩ ስለዚህች እንሰሣ ከተጠቀሠልን ነገር ውጭ ስለ ባህሪዋና ሁኔታዋ ማውራት አላዋቂነት ነው፡፡ ለምሣሌ ‹ርዝመቷ በአደም ቁመት ልክ 60 ክንድ ነው፣ የሰው ፊት፣ የበሬ ጭንቅላት፣ የአሣማ ዐይን፣ የዝሆን ጆሮ የሚመስል አላት፡፡ የሚፈልጋት አያገኛትም፡፡ የሚሸሻት አያመልጣትም፡፡ የነቢዩ ሙሣ ዱላን ይዛ ትዞራለች፡፡ የነቢዩ ሱለይማን ቀለበት አላት፡፡› የሚባለውና የመሣሰሉት ነገሮች ፈፅሞ ከእውነታ የራቁ ናቸው፡፡ እነኚህ ሁሉ በሀዲስም ሆነ በቁርኣን የመጡ አይደሉም፡፡ እኛ ስለመምጣቷ ብቻ ነው ማመንና መቀበል የሚገባን፡፡

ኢማም አር ራዚ በነኚህ በሚባሉ ጉዳዮች ዙሪያ ሲናገሩ ‹በዚህ ዙሪያ ከኪታብ የማውቀው ማስረጃ አንድም የለም፡፡ ወሬው ከአላህ መልእክተኛ ሰ.ዐ.ወ በትክክል የተገኘ እንደሆነ እንቀበላለን ካልሆነ ግን ዞር ብለንም ልናየውም አይገባም፡፡› ብለዋል፡፡

የእንሰሣዋ መውጣት በሩቅ ያለ ከኛ የተደበቀ እውቀት ነው፡፡ በመሆኑም ቁርኣንና ትክክለኛ ሀዲስ በነገሩን ቦታ ላይ መቆም ግድ ይለናል፡፡ የተነገረንም አንዲት እንሰሣ እንደምትወጣ ሰዎችን እንደምታናግርና እሷም ከትንሣኤ ምልክቶች እንደሆነች ብቻ ነው፡፡

በዚያው የቁርኣን ምእራፍ ላይ ነቢዩ ሙሣ ዐ.ሰ. በአላህ ትእዛዝ ዱላ መወርወራቸውንና ዱላዋም እንደ ትንሽ እባብ ትስለከለክ እንደነበር፤ ነቢዩ ሱለይማን ዐ.ሰ የወፎች ቋንቋ እውቀት እንደተሠጣቸው፤ ጉንዳንም ሱለይማን እና ወታደሮቻቸው ሣያውቁ/ልብ ሣይሉ; ረጋግጠው እንዳይሰባብሯቸው በመስጋት ወገኖቿ ወደየቤቶቻቸው ይገቡ ዘንድ እንደተጣራች፤ ነቢዩ ሱለይማንም በዚህ ንግግር ተገርመው ፈገግ እንዳሉ ተነግሯል፡፡ ከዚሁ በተጨማሪ ሁድሁድ ስለ ሰበእ ህዝቦች ሁኔታ ለነቢዩ ሱለይማን ዐ.ሰ. መረጃ እንዳመጣላቸውም ተነግሯል፡፡ እንዲህ በማለት-

إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ
وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ
أَلَّا يَسْجُدُوا لِلَّهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ

«እኔ የምትገዛቸው የኾኑችን ሴት ከነገሩም ሁሉ የተሰጠችኝ አገኘሁ፡፡ ለእርሷም ታላቅ ዙፋን አልላት፡፡ «እርስዋንም ሕዝቦችዋንም ከአላህ ሌላ ለፀሐይ ሲሰግዱ አገኘኋቸው፡፡ ሰይጣንም ለእነሱ ሥራዎቻቸውን ሸልሞላቸዋል፡፡ ከእውነተኛውም መንገድ አግዷቸዋል፡፡ ስለዚህ እነሱ (ወደ እውነት) አይምመሩም፡፡» ለዚያ በሰማያትና በምድር የተደበቀውን ለሚያወጣው፣ የምትሸሽጉትንና የምትገ ልጹትንም ሁሉ ለሚያውቀው አላህ እንዳይሰግዱ (ሰይጣን አግዷቸዋል)፡፡ አን ነምል፤23-25

ከመሬት የምትወጣውና ሰዎችን የምታናግረው እንሰሳም ሁኔታ በዚሁ መልኩ መወሠድ አለበት፡፡

የመህዲ መምጣት

ስለ መህዲ የተጣራ የሆነው መረጃ በመጨረሻው ዘመን አካባቢ እንደሚወጣና ስሙም ሙሀመድ ኢብኑ ኢብዱላህ ወይንም አህመድ ኢብኑ ዐብዱላህ የሚባል መሆኑን ነው፡፡ የሚወለደውም ከነቢዩ ሰ.ዐ.ወ. ቤተዘመድ በፋጢማ የልጅ ልጆች በኩል መሆኑና በአፈጣጠሩ ሣይሆን በባህሪው የአላህን መልእክተኛ ሰ.ዐ.ወ እንደሚመስል፣ ከፊት ራሱ አካባቢ ብዙም ፀጉር እንደሌለው፣ ረዘም ያለና ቀጥ ብሎ ያማረ አፍንጫ ያለው፣ በበደልና በግፍ ተሞልታ የነበረችዋን ምድርንም በፍትህና በማስተካከል እንደሚሞላት፣ የአላህን ህግጋት እንደሚያቆም፣ በተረሣው የነቢዩ ሰ.ዐ.ወ ሱና ላይ ነፍስ እንደሚዘራ፣ በሱ ዘመን የእስልምና አስተምህሮ ከፍ እንደሚል፣ በጁራኑ ወደ መሬት እንደሚወረወር፣ ነገሮች ሁሉ እንደሚመቻቹለት፣ ፍትህ በመንሠራፋቱ ምክንያት በዘመኑ ሠላምና ብልፅግና እንደሚኖር፣ የሚለገስ ገንዘብ እንደሚበዛ፣ እሱም ገንዘብን ቆጥሮ ሣይሆን ዘግኖ እንደሚሠጥ፣ ሰባት አመታትንም እንደሚቆይ፣ ከርሱ በኋላም ደጃል እንደሚመጣ፣ ተከትሎም ዒሣ እንደሚወርድ፣ ዒሣና መህዲ እሱን በመግደል ላይ እንደሚተባበሩ ከዚያም መህዲ እንደሚሞት ሙስሊሞችም እንደሚሰግዱበት ነው፡፡

ስለ መህዲ የመጣልን ጥቅል መረጃ ይህን ይመስላል፡፡ በተመሣሣይና አጠቃላይ በሆነ መልኩ ደግሞ በመጨረሻው ዘመን የእውነትን ባንዲራ ከፍ የሚያደርግ፣ የአላህን ቃል የበላይነት የሚያረጋግጥ፣ ለኢስላምም ምድር ላይ ሁኔታዎች የሚያመቻችና ከሱ በኋላ የሚመጣው ዘመንም የመልካም ነገሮች ሁሉ መነሻ የሚሆን ፍትሃዊ የሆነ አንድ ሰው እንደሚመጣ የሚገልፁ ዘገባዎች በብዛት መጥተዋል፡፡ ከነቢዩ ዒሣ ዐ.ሰ መወለድ በፊት የዩሀንስ እንደነበረው ሁሉ፡፡

ተከትሎም አይሁዳዊው ደጃል ታላቁ የፈተና ምልክት ሆኖ ይነሣል፡፡ በኢስላማዊ መነቃቃትም ላይ ትልቅ ጋሬጣ ይሆናል፡፡ ከአላህ ለሰው ልጅ ፈተና በተሠጠው እውቀትና ሀይልም በመጠቀምም ሰዎችን ከሃይማኖታቸው ለመመለስ ሙከራ ያደርጋል፡፡ አላህ ሱብሃነሁ ወተዓላም እሱ የሚያደርሰውን ትልቅ የጥፋት ፈተና ነቢዩ ዒሣን ዐ.ሰ. በማውረድ ያከሽፈዋል፡፡ መህዲ ይዞት የመጣው ሀቅም ይበልጥ ጥንካሬ ይኖረው ዘንድ ነቢዩ ዒሣና መህዲ እንዲሁም ተከታዮቻቸው የደጃልን ሴራ ለማክሸፍ በግዲያው ላይ ይተባበራሉ፡፡

ደጃል የተገደለ እንደሆን ከርሱ ጋር የሚዋጉ አይሁዶችም ይሸነፋሉ፡፡ ቁጥራቸውም ሰባ ሺህ ይደርሳል፡፡ ኋላም የነኚህን ሰዎች ጉዳይ አላህ ያጋልጠዋል፡፡ አንድም አይሁድ ከአንድ ነገር ኋላ አይደበቅም አላህ ያንን ነገር እንዲናገር ያደረገው ቢሆን እንጂ፡፡ ‹አንተ የአላህ ባሪያ ሙስሊም ሆይ! የሁዲ ይሀውና ና እና ግደለው› ይለዋል፡፡ በዚህም በምድር ላይ የተከሠተው ታላቁ ፈተና ፍፃሜ ያገኛል ፡፡ ከዚያም ነቢዩ ዒሳ ዐለይህ ሰላም በስማቸው የተበላሸ አስተምህሮ ያስተላለፈችውን የክርስትናን አስተምህሮ ያጠፋሉ፡፡ ምድርንም ለኢስላም አስተምህሮ ያመቻቿታል፡፡ በዚህ ዙሪያም የአላህ መልእክተኛ ሰ.ዐ.ወ እንዲህ ብለዋል

« فيكون عيسى فى أمتى حكمًا عادلاً، وإمامًا مقسطًا، يدق الصليب وذبح الخنزير، ويضع الجزية، ويترك الصدقة، فلا يسعى على شاة ولا بعير، وترفع الشحناء والتباغض، وتُنزع حَمة كل ذى حُمّة حتى يدخل الوليد يده فى الحية فلا تضره، وتُفر الوليدة الأسد فلا يضرها، ويكون الذئب فى الغنم كأنه كلبها، وتملأ الأرض من السلم كما يملأ الإناء من الماء، وتكون الكلمة واحدة، فلا يعبد إلا الله، وتضع الحرب أوزارها، وتسلب قريش ملكها، وتكون الأرض كفاثور الفضة تنبت نباتها بعهد آدم»

‹ዒሣ በህዝቦቼ ውስጥ እውነተኛ ዳኛና ፍትሃዊ መሪ ይሆናል፤ መስቀልን ይሠባብራል፣ አሳማን ያርዳል/ያስወግዳል/፣ ግብርን ያስቀራል፣ ምፅዋት ይቀራል (የሚቀበለው ይጠፋል)፡፡ ስለ ፍየልም ሆነ ስለ ግመል ግድ ያለው አይኖርም፡፡ ቅራኔና ጥላቻ ከሰዎች መካከል ይነሣል፡፡ ህፃን ልጅ እንኳ እባብ ነክቶ መርዙ የማይጎዳው እስኪሆን ድረስ ከያንዳንዱ መርዛማ ነገር መርዙ ይወገዳል፡፡ ፡፡ አዲስ የተወለደች አንበሣን ብትተናኮስም አይጎዳትም፡፡ ጠባቂያቸው እስኪመስል ድረስ ተኩላ በበጎች መካከል ይውላል፡፡  ውሃ እቃን እንደሚሞላ ሁሉ መሬት በሰላም ትሞላለች፡፡ ቃላቶች ሁሉ አንድ ይሆናሉ፡፡ አላህ እንጂ ሌላ ነገር አይመለክም፣ ጦርነት ይጠፋል፣ ቁረይሽ ንግስናዋን ታጣለች፣ መሬት እንደ ብር መያዣ ትሆናለች፣ በአደም ጊዜ እንደነበረውም ለም እና የፋፋ ተክሎችን ታበቅላለች፡፡›

እስልምናን በሌሎች ሃይማኖቶች ላይ ሁሉ ግልፅ ሆኖ እና የበላይነቱ ተረጋግጦ ይታያል፡፡ በዚህም የአላህ ቀጠሮ እውነት ይሆናል፡፡ አላህ ሱ.ወ. እንዲህ አለ

هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ ۚ وَكَفَىٰ بِاللَّهِ شَهِيدًا

እርሱ ያ መልክተኛውን በመሪ መጽሐፍና በእውነተኛ ሃይማኖት በሃይማኖት ሁሉ ላይ ሊያልቀው የላከ ነው፡፡ መስካሪም በአላህ በቃ፡፡      (አል ፈትህ 48፤28)

ከዚህ ሁሉ ክስተት በኋላ ጉድለት መከሠት ይጀምራል፡፡ ሰዎች ቀስ በቀስ ከእምነት እየራቁ ይሄዱና በመጨረሻም ሃይማኖታቸውን ይተዋሉ፡፡ ቂያማም የምትቆመው እነሱ በዚሁ የዲን አልባ ህይወት ላይ እያሉ ነው፡፡ ከምሉእነት በኋላ መጥፋትና መወገድ ብቻ ነው የሚኖረውና እንዲጠፉ ይሆናል፡፡  አላህ ሱ.ወ. እንዲህ አለ

إِنَّمَا مَثَلُ الْحَيَاةِ الدُّنْيَا كَمَاءٍ أَنزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ مِمَّا يَأْكُلُ النَّاسُ وَالْأَنْعَامُ حَتَّىٰ إِذَا أَخَذَتِ الْأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلًا أَوْ نَهَارًا فَجَعَلْنَاهَا حَصِيدًا كَأَن لَّمْ تَغْنَ بِالْأَمْسِ ۚ كَذَٰلِكَ نُفَصِّلُ الْآيَاتِ لِقَوْمٍ يَتَفَكَّرُونَ

የቅርቢቱ ሕይወት ምሳሌ ከሰማይ እንዳወረድነው ውሃ፣ በእርሱም ሰውና እንስሳዎች ከሚበሉት የምድር በቃይ ተቀላቅሎበት (እንደ ፋፋ) ምድርም ውበትዋን በያዘችና ባጌጠች ጊዜ ባለቤቶችዋም በርሷ ላይ እነርሱ ቻዮች መኾናቸውን ባሰቡ ጊዜ ትእዛዛችን ሌሊት ወይም ቀን መጥቶባት ትላንት እንዳልነበረች የታጨደች እንዳደረግናት ብጤ ነው፡፡ እንደዚሁም ለሚያስተነትኑ ሕዝቦች አንቀጾችን እናብራራለን፡፡      (ዩኑስ 10፤24)

የመሲሁ ደጃል መውጣት

ከቂያማ ትላልቅ ምልክቶች መካከል የመሲሁ ደጃል መውጣት አንዱ ነው፡፡ እሱም ‹አምላክ ነኝ› ብሎ ይነሣል፡፡ ያልተለመዱና አስደናቂ ትንግርቶችን በማሣየት ሰዎችን በእምነታቸው ይፈታተናቸዋል፡፡ በእጁ ላይ በሚታዩ ነገሮች በማሳሳት ከፊሎችንም ከእምነታቸው ያስወጣቸዋል፡፡ አላህ ሱ.ወ. ግን ትክክለኛ የሆኑ አማኞችን የሚያፀና ሲሆን ከሱ በሚያያት አሳሳች ነገሮች አይታለሉም፡፡ የሆነ ሆኖ ኋላ ላይ ግን ጉዳዩ ግልፅ ይወጣል፡፡ ለፈተናውም ፍፃሜ ይበጅለታል ፡፡ ያኔ የሙስሊሞች መሪ በሚሆኑት በነቢዩ ዒሣ ዐ.ሰ እጅ ይገደላል፡፡

ሁሉም የአላህ መልእክተኞች ከመሲሁ ደጃል ፈተናዎች ህዝቦቻቸውን አስጠንቅቀዋል፡፡  የመጨረሻው ነቢይ ነቢያችንም አስጠንቅቀውናል፡፡ እንድንጠነቀቅም ምልክቶችን ነግረውናል፡፡

ከዑመር ረዲየሏሁ ዐንሁ እንደተዘገበው ነቢዩ ሰ.ዐ.ወ የመጨረሻው ሀጅ ቀናቸው ሰዎችን ዝም እንዲሉና እንዲያዳምጡ ካዘዙ በኋላ አላህን በማወደስና በማመስገን የደጃልና ነገር አወሱ፡፡ በማውሣቱም ላይ ትኩረት በመስጠት አጠናከሩ፡፡ እንዲህም አሉ –

« ما بعث الله من نبى إلا أنذر أمته، وإنه يخرج فيكم، فما خفى عليكم من شـأنه، فلا يخفى عليكم إن ربكم ليس بـأعور، وإنه أعور العين اليمنى كأن عينه طافية »

‹ አላህ አንድንም ነቢይ አልላከም ከሱ(ደጃል) ያስጠነቀቀ ቢሆን እንጂ፡፡ እሱ በናንተ ውስጥ ይወጣል፡፡ ከሱ ሁኔታ ድብቅ የሆነ ነገር ሁሉ በናንተ የሚደበቅ አይሆንም፡፡ ጌታችሁ እውር አይደለም እሱ ግን የቀኝ ዐይኑ እውር ነው ዐይኑም ወይን ትመስላለች፡፡›

ሼኽ ረሺድ ሪዷ ሲናገሩ ‹በደጃል ዙሪያ የወረዱ ሀዲሦች አጠቃላይ አንድ የሚያደርጋቸው ነጥብ አለ ይላሉ፡፡ ይሀውም ደጃል በመጨረሻው ዘመን የሚመጣ ስለመሆኑ ለነቢዩ የተገለጠላቸው ሲሆን በሱ እጅግ የሚደንቁና ወጣ ያሉ ትንግርቶች እንደሚፈፀም በነኚህም ያልተለመዱ ክስተቶች በርካታ ፍጥረታት እንደሚታለሉና እንደሚፈተኑ በተጨማሪም ደጃል ከአይሁድ እንደሆነና ሙስሊሞችም እንደሚጋደሉት በተቀደሱ ሀገራትም ላይ ሙስሊሞች አይሁዶችን እንደሚጋደሉ በነሱም ላይ ድልን እንደሚያገኙ ነው፡፡ ይህም በዝርዝር ሣይሆን ጥቅል በሆነ መልኩ ሌሎች ነገሮች እንደሚገለጡላቸው ሁሉ ከራእይ እንጂ ከራሣቸው አንዳች ነገር ለማይናገሩት ነቢይ የተገለጠላቸው ሲሆን ዘጋቢዎችም ትርጉሙን ተቀባብለውታል ብዙዎችም ተሣስተዋል፡፡ አንዳንድ ዘጋቢዎችም ሆነ ብለው የኢስራኤላውያን አፈታሪኮች በመቀባበልና በመቀላቀል ዘገባዎቹን ለማበላሸት ሞክረዋል፡፡ የፅዮናውያን አይሁዶችን ንግስና የሚፈልጉም ለምሣሌ እነኚህን አባባሎች ከዘመናዊው የሰው ልጅ የማይታመን ሣይንሣዊ እድገት ጋር በማገናኘት ትርጉሙን ለማዛባትና ለማሳሳት የበለጠ ፈተና ለመቀስቀስ ይፈልጋሉ፡፡› ብለዋል፡፡

የሼይኹን አባባል ከሚያጠናክሩ ሀዲሦች መካከል

1- ከአቢ ሁረይራ ረ.ዐ እንደተዘገበው የአላህ መልእክተኛ ሰ.ዐ.ወ እንዲህ ብለዋል ‹አይሁዶችን እስክትዋጉአቸው ድረስ ቂያማ አትቆምም፡፡ ከሱ በኋላ አይሁድ የተደበቀ ድንጋይ ሣይቀር ‹አንተ ሙስሊም ሆይ ! ይህ ከኋላዬ ያለው አይሁዲ ነው ና ግደለው› ይላል፡፡ ይህም በዚያን ጊዜ አይሁዶች ምንም መደበቂያ እንደሌላቸውና መደበቅም እንደማይጠቅማቸው ያሣያል፡፡

2- ከሙዓዝ ኢብኑ ጀበል ረ.ዐ. እንደተዘገበው የአላህ መልእክተኛ ሰ.ዐ.ወ. እንዲህ ብለዋል ‹የቤይተልመቅዲስ መገንባት የመዲና መፈራረስ ነው፡፡ የመዲና መፈራረስ የመልሀመህ መውጣት ነው፡፡ የመልሀማህ መውጣት የቁስጠንጢኒያ መከፈት ነው፡፡ የቁስጠንጢኒያ መከፈት ደግሞ የመሲሁ ደጃል መውጣት ነው፡፡›

ይህ የቁስጠንጢኒያ መከፈት የመጀመሪያው መከፈት አይደለም፡፡ ለምን ከተባለ የአላህ መልእክተኛ ሰ.ዐ.ወ ቱርሙዚ እንደዘገቡት

« فتح القسطنطينية مع قيام الساعة »

‹የቁስጠንጢኒያ መከፈት ከቂያማ መቆም ጋር ነው፡፡› ብለዋልና፡፡

የዒሣ መውረድ

በተለያዩ ሀዲሦች እንደመጣው ነቢዩ ዒሣ ዐ.ሠ. መሲሁ ደጃል ምድር ላይ ባለበት ሁኔታ ይወርዳሉ፡፡ መውረዳቸውም ከቂያማ ትላልቅ ምልክቶች መካከል አንዱ ሲሆን በወረዱም ጊዜ በፍትህ ይፈርዳሉ፡፡ በኢስላም ህግጋትም ይዳኛሉ፡፡ ሰዎች በተውት የእስልምና ህግጋት ላይ ነፍስ ይዘራሉ፡፡ ደጃልን ይገድላሉ፡፡ በምድር ላይም አላህ የፈቀደላቸውንም ያህል ጊዜ ይቆያሉ፡፡ ከዚም ይሞታሉ፡፡ ተሰግዶባቸውም ይቀበራሉ፡፡ አስከትሎም የምእመናንን ነፍስ ሁሉ የምታጠፋ የሆነች ነፋስ ትነፍሣለች፡፡ የሚቀሩትም ክፉዎቹ ሰዎች ብቻ ይሆናሉ፡፡ ከምሉእነት በኋላ መጥፋትና መወገድ እንጂ ሌላ ሊኖር አይችልም፡፡

ከአቢ ሁረይራ እንደተዘገበው የአላህ ነቢይ ሰ.ዐ.ወ እንዲህ አሉ

« والذى نفسى بيده ليوشكن أن ينزل فيكم ابن مريم حكمًا مقسطًًا، فيكسر الصليب، ويقتل الخنزير، ويضع الجزية، ويفيض المال حتى لا يقبله أحــد، حتى تكون السجــدة الواحــدة خيرًا من الدنيا وما فيها »

‹ ነፍሴ በእጁ በሆነቸው ጌታዬ እምላለሁ፡፡ የመርየም ልጅ ፍትሃዊ ዳኛ ሆኖ በናንተ ላይ ሊወርድ ቀርቧል፡፡ መስቀልን ይሰብራል፣ አሣማን ይገድላል፣ ግብርን ያነሣል፣ የሚቀበለው እስኪጠፋ ድረስ ገንዘብ ይበዛል ፡፡ አንዲት ሱጁድ በዱኒያና በውስጧ ካሉ ነገሮች ሁሉ በላጭ እስክትሆን ድረስ፡፡› ከዚያም አቡ ሁረይራ እንዲህ አሉ ከፈለጋችሁ

وَإِن مِّنْ أَهْلِ الْكِتَابِ إِلَّا لَيُؤْمِنَنَّ بِهِ قَبْلَ مَوْتِهِ ۖ وَيَوْمَ الْقِيَامَةِ يَكُونُ عَلَيْهِمْ شَهِيدًا

ከመጽሐፉም ሰዎች ከመሞቱ በፊት በእርሱ (በዒሳ) በእርግጥ የሚያምን እንጅ (አንድም) የለም፡፡ በትንሣኤም ቀን በነሱ ላይ መስካሪ ይኾናል፡፡(አን ኒሣእ 4፤159)

የሚለውን የቁርኣን አንቀፅ አንብቡ፡፡ ይህም ዒሣ ዐ.ሰ ወደ ምድር በወረዱ ጊዜ ከመሞታቸው በፊትና ቂያማም ሣትቆም ሁሉም ሰው የሚያምንባቸው መሆኑን ነው፡፡

ከዑርዋህ ኢብኑ መስዑድ አስሠቀፊ ረ.ዐ እንደተዘገበው ዐብዱላህ ኢብኑ ዑመር የአላህ መልእክተኛ ሰ.ዐ.ወ እንዲህ ሲሉ ሰማኋቸው አለ፡-

« يَخْرُجُ الدَّجَّالُ فِى أُمَّتِى، فَيَمْكُثُ أَرْبَعِينَ – لاَ أَدْرِى أَرْبَعِينَ يَوْماً أَوْ أَرْبَعِينَ شَهْراً أَوْ أَرْبَعِينَ عَاماً -، فَيَبْعَثُ اللَّهُ عِيسَى ابْنَ مَرْيَمَ، كَأَنَّهُ عُرْوَةُ بْنُ مَسْعُودٍ، فَيَطْلُبُهُ، فَيُهْلِكُهُ، ثُمَّ يَمْكُثُ النَّاسُ سَبْعَ سِنِينَ، لَيْسَ بَيْنَ اثْنَيْنِ عَدَاوَةٌ، ثُمَّ يُرْسِلُ اللَّهُ رِيحاً بَارِدَةً مِنْ قِبَلِ الشَّأْمِ، فَلاَ يَبْقَى عَلَى وَجْهِ الأَرْضِ أَحَدٌ فِى قَلْبِهِ مِثْقَالُ ذَرَّةٍ مِنْ خَيْرٍ أَوْ إِيمَانٍ إِلاَّ قَبَضَتْهُ، حَتَّى لَوْ أَنَّ أَحَدَكُمْ دَخَلَ فِى كَبَدِ جَبَلٍ لَدَخَلَتْهُ عَلَيْهِ حَتَّى تَقْبِضَهُ، فَيَبْقَى شِرَارُ النَّاسِ فِى خِفَّةِ الطَّيْرِ وَأَحْلاَمِ السِّبَاعِ، لاَ يَعْرِفُونَ مَعْرُوفاً، وَلاَ يُنْكِرُونَ مُنْكَراً، فَيَتَمَثَّلُ لَهُمُ الشَّيْطَانُ، فَيَقُولُ: أَلاَ تَسْتَجِيبُونَ ؟ فَيَقُولُونَ: فَمَا تَأْمُرُنَا ؟ فَيَأْمُرُهُمْ بِعِبَادَةِ الأَوْثَانِ وَهُمْ فِى ذَلِكَ دَارٌّ رِزْقُهُمْ، حَسَنٌ عَيْشُهُمْ، ثُمَّ يُنْفَخُ فِى الصُّورِ، فَلاَ يَسْمَعُهُ أَحَدٌ إِلاَّ أَصْغَى لِيتاً وَرَفَعَ لِيتاً – قَالَ – وَأَوَّلُ مَنْ يَسْمَعُهُ، رَجُلٌ يَلُوطُ حَوْضَ إِبِلِهِ – قَالَ – فَيَصْعَقُ، وَيَصْعَقُ النَّاسُ، ثُمَّ يُرْسِلُ اللَّهُ – أَوْ قَالَ يُنْزِلُ اللَّهُ – مَطَراً كَأَنَّهُ الطَّلُّ أَوِ الظِّلُّ – نُعْمَانُ الشَّاكُّ – فَتَنْبُتُ مِنْهُ أَجْسَادُ النَّاسِ، ثُمَّ يُنْفَخُ فِيهِ أُخْرَى، فَإِذَا هُمْ قِيَامٌ يَنْظُرُونَ، ثُمَّ يُقَالُ: يَا أَيُّهَا النَّاسُ هَلُمَّ إِلَى رَبِّكُمْ، وَقِفُوهُمْ إِنَّهُمْ مَسْؤُولُونَ- قَالَ – ثُمَّ يُقَالُ: أَخْرِجُوا بَعْثَ النَّارِ، فَيُقَالُ: مِنْ كَمْ ؟ فَيُقَالُ: مِنْ كُلِّ أَلْفٍ تِسْعَمِائَةٍ وَتِسْعَةً وَتِسْعِينَ – قَالَ – فَذَاكَ يَوْمَ يَجْعَلُ الْوِلْدَانَ شِيباً، وَذَلِكَ يَوْمَ يُكْشَفُ عَنْ سَاقٍ »

‹ደጃል በህዝቦቼ ውስጥ ይወጣል፡፡ አርባ ያህልም ይቆያል፡፡ ‹አርባ ቀን ይበሉ አርባ ወር አሊያም አርባ አመት ይበሉ አላወቅኩም፡፡› ይላል ዘጋቢው፡፡ ከዚያም አላህ ሱ.ወ. ዒሣ የመርየምን ልጅ ይልካል፡፡ (ደጃልን) ፈልጎ ይገድለዋል፡፡ ከዚያም በሁለት ሰዎች መካከል አንዳችም የቅራኔ ችግር ሣይኖር ሰዎች ሰባት አመት ያህል ይቆያሉ፡፡ ከዚያም አላህ ከሻም ሀገር በኩል ቀዝቀዝ ያለች ነፋስ ይልካል፡፡ የሠናፍጭ ያህል ኢማን በቀልቡ ውስጥ ያለውን አንድንም ሰው ሣይቀር ትወስዳለች(ትገድላለች)፡፡ አንዳችሁ የተራራ ሆድ ውስጥ ቢገባ እንኳ ገብታ ነፍሱን ትወስዳለች፡፡ የወፍ ያህል ፈጣንና የአውሬ ህልም ያላቸው(በዳዮችና ክፉዎች) መጥፎ ሰዎች በምድር ላይ ይቀራሉ፡፡ ጥሩን ነገር አያበረታቱም መጥፎን ነገር አይከለክሉም፡፡ ሸይጧን ተመስሎ እንዲህ ይላቸዋል ‹ ምናለ እሺ ብትሉኝና ብትቀበሉኝ !›  ‹እንግዲያውስ በምን ታዘናለህ?› በማለት ይጠይቁታል፡፡ ጣዖትን በማምለክ ያዛቸዋል ፡፡ እነሱም በዚያ ውስጥ ሲሣያቸውን ሰፊ ኑሮአቸውም ጥሩ ነው፡፡ ከዚያም በቀንዱ ይነፋል፡፡ አንድም ሰው አይሠማም ድምፀቱ ወደ ጉሮሮ ቢዘነብልና ለመጮህ ቢተናነቀው እንጂ፡፡ በመጀመሪያ የሚሠማው የግመሉን ሽንት የሚንጥ ሰው ነው፡፡ እርሱም እንደሠማ ይጮሃል፡፡ ሌሎች ሰዎችም ይጮሃሉ፡፡ ከዚያም አላህ ቀለል ያለ ዝናብ  አሊያም ጥላ ዳመና የሚመስል ይልካል ወይንም ያወርዳል፡፡ ከሱም የሰዎች ሰውነት ይበቅላል፡፡  ከዚያም በድጋሜ ይነፋል፡፡ በዚህን ጊዜ ተነስተው በሚያዩበት ሁኔታ ይቆማሉ፡፡ ከዚያም ‹ሰዎች ሆይ! ወደ ጌታችሁ ኑ ይባላል ‹እነሱ ተጠያቂዎች ናቸውና አቁሟቸው› ከዚያም ‹የእሣት ልኡካንን አውጡ› ‹ከስንት› ተብሎ ይጠየቃል፡፡ ‹ከያንዳንዱ አንድ ሺህ ሰው ዘጠኝ መቶ ዘጠና ዘጠኝ› ይባላል፡፡ (ነቢዩ) እንዲህ አሉ ‹ ያ ቀን ነው ህፃናት የሚሸብቱበት ከባትም የሚገለጥበት ቀን›

ከኢብኑ ዐባስ እንደተዘገበው የአላህ መልእክተኛ ሰ.ዐ.ወ.

« من شرار الناس من تدركهم الساعة وهم أحياء »

‹ከመጥፎ ሰዎች መካከል በህይወት እያሉ ቂያማ የምትደርስባቸው የሆኑት ናቸው› ብለዋል፡፡

LEAVE A REPLY